Rawl Eidin Dawr Hna nih Zulh Hrim ding COVID-19 Rulvennak Phun (15)

Eidin Dawr ah COVID-19 Irunvenning/tachileik news agency

TCP- Hakha| 2020 November 18| Kawlram ah eidin dawr pawl cu June 1, 2020 thok in an on than cang nain Ngandamnak le Zangleknak Zung Lamhmuhsak chimhning in COVID-19 runvennak zulh ding pawl cu ningcang tein Zulh a um lo caah Mizapi ngandamnak he aa pehtlaihmi a hnorsuan ahcun Chonh khawhmi hrik dohnak upadi ningin dantat khawh a si.

Rawl Eidin dawr a ngeimi hna nih dawr on kan duh ahcun zulh hrim ding tiah Ngandamnak le Zanglek zung nih Phun (15) an langhtermi cu a tanglei bantuk in a si.

  • Eidin dawr ngeitu hna nih zulh ding phung le lam hna
  1. Dawr ah a rami vialte Dawr luhnak ah tak kih/lum tah ding le kut tawl ding
  2. Eiding tu hna thutdirnak hmunhma cu thli uaptuknak hmunhma silo in thli luh thlichuah a thatnak caah thlalawngawng hna onpiak a si lai.
  3. Pumpak pakhat asilo ah minung (5) nak a tam lomi thutnak hmunhma serpiak a si lai I minung pakhat le pakhat karlak a dangin an thut khawhnak ding pakhatkhat in dalpiak a si lai.
  4. Cabuai pakhat le pakhat pe (6) hlat in dal a si lai.
  5. Inn lei lawipi ding thil a si ahcun dawr riantuantu nih an tawlrel piak lai.
  6. Voikhat hmanmi Pakan, Darkeu asilo ah hrikthahnak sii hman a si lai.
  7. Thil man vialte catlap in tarpiak a silo ah cabuai cungah chiahpiak an si lai.
  8. COVID-19 ngandamnak kong theihhngalhnak le ralrinnak he aa pehtlaihmi Ca, Vinyle, Poster tbk mihmuhnak hmun ah tar a si lai.
  9. Tangka peknak counter cu thlalang in dal a si lai.
  10. Dawr chungah Alcohol (60%) aa telmi kuttawlnak, chapiat le kuttawlnak chiahpiak an si lai.
  11. Eiding tu hna ka le hnar, mithuh tbk an iken lo ahcun dawr an luh hlan ah thilman ning manfawi tein zorh an si lai.
  12. Cabuai, thutnak, counter le innka kuttonghnak hmunhma pawl kha alcohol (70%) aa telmi kuttawlnak in thianh peng a si lai.
  13. Dawr chungah thianhhlimnak lei tuanvo ala ding riantuantu chiah a si lai I eidin lei tawlreltu hna tuanter lo ding a si lai.
  14. Zunginn hna thianhlim tein chiah peng a si lai.
  15. Dawr riantuan tu dihlak pumpak thianhhlimnak (kuttawl peng ding, kuthruk in thil dangdang tongtham tuk lo ding), cawnpiaknak le zulh ding an zulhnak hnga zohfel peng ding timi hna an si.

Vawlei cungah COVID-19 hrik a ngeimi hi July 28, 2020 tiang ah sing (165) leng an phan I sing (6) leng an thi cang.

Ref: Link: https://www.tachileik.net/2020/07/PSAJuly01.html

Na ruahning rak langhter ve.. (Leave a comment)

%d bloggers like this: