Registration (မှတ်ပုံတင်) tuah lomi Sim Card vialte kan phih dih lai tiah SAC nih a thanh
The Chinland Post | 2022 September 21 – Citizen Card (မှတ်ပုံတင်) he ṭha tein Registration tuah lomi Sim Card pawl cu kan phih dih lai i Sim Card chungah a taangmi tangkha pawl cu rampi tangka ah kan khumh lai tiah SAC nih September 19 ah a thanh.
Zeitik ni ah dah an phih lai timi cu fiang tein an thanh lo nain Sim Card pawl ṭha tein Registration tuah ding ah forhfialnak an thanh chih.
Cun Registration tuah tik zongah phitmi mah sinning kong pawl kha ṭha tein zohfel a si lai an thanh.
Atu bantuk in an tuahnak hi PDF pawl a bawmtu i an sinning theih an duh caah a si kho men tiah an ruahdamh.
Operators pawl le Sim Card a zuarmi pawl zong nih thilsinning tling tein nan rawn lo ahcun a ziizut nan si lai tiah cathanh ah an telh chih.
About The Author
