Remdaihnak Biakhiah Ngamnak Ding Ralthat A Herh; Daw Aung San Suu Kyi

The Chinland Post| 2018 Tho 16| Ralkap telh in tlangcung hriamtlai phu hruaitu hna nih ral ram i tukdoh ngamnak ralthat a herh bantuk in ramkhel kong biakhiah ngamnak ding ralthat a herh tiah rampi ruahnak petu Daw Aung San Suu Kyi nih a chim.

November 15, Naypyidaw ah tuahmi NCA kahngolnak min a thutu tlangcung hriamtlai phu 10 in biakhiahnak a tuah khotu ding hruaitu lutlai hna ton biaruahnak ah Daw Aung San Suu Kyi nih atu bantuk in biahuncah chimnak ah a chim hi a si.

Hi ton biaruahnak ah biakhiahnak a tuah khotu ding hruaitu pawl an kai caah democracy le federal kongkau a hrampi policy pawl raltha te in biakhiahnak an tuah khawh lo cun mizapi cung ah a rian tlam a tlinh lomi bantuk an si kho tiah a chim.

Ton biaruahnak ah ralkap lutlai zik le a changtu zong an i tel i ralkap lutlai zik Senior General Min Aung Hlaing nih ramkomh in thenchuah lo ding timi khamnak bia a chimmi hi tlangcungmi cung ah zumhlonak ka ngeih si lo in hmailei caah aamah-khan umnak ding, pakhat le pakhat zumhlonak ngei lo in a hmunmi remdaihnak hmuh ka duh caah a si tiah a chim.

Senior General Min Aung Hlaing le a changtu cu chun hnu tonpumhnak kai ti lo in leng an chuah bantuk in Shan ramkulh RCSS in haotu zong a chuak ve tiah theih a si.

Hiti hruaitu upa hna tonbiaruahnak ah cozah, ralkap le NCA minthutu tlangcung hriamtlai phu lutlai hna nih federal le thenchuah lonak kong ceihmai an timh tiah theih a si.
Ref: RFA Burmese

Na ruahning rak langhter ve.. (Leave a comment)

%d bloggers like this: