Remdaihnak I Tawh Tlaitu Bik Cu Ralkap Bak An Si; Col. Solomon Thang Ding

0

The Chinland Post| 2019 August 15| Myanmar ram remdaihnak kong he pehtlai in Tawh tlaitu bik taktak cu ralkap an sinak kong Col. Solomon Thang Ding nih The Chinland Post he ton biaruahnak ah a chim.

“Myanmar ram remdaihnak kong ah tawh tlaitu bik taktak cu cozah zong an si lo, ralkap bak an si ko. Anmah nih an duh le an kai, an duh  lo le an kai lo. Myanmar ram ukhruainak buainak (mechanism) le 2008 phunghrampi buainak zong hi ralkap kut ah a um ko. Ralkap nih an lung an thumh i an dindorh ahcun remh le ser khawh colh dingmi khi a si ko”.

“Kumzabu 21 panglong conference kong asiloah atu lio remdaihnak lamthluan a kal khawh lonak zong hi ralkap ruang ah a si ko. Remdaihnak lamthluan karhlan tikah amah le a dotdot te in kalpi a hau, chawhkanh a ngah lo. Naite in kan buainak bik zong kha anmah ralkap nih ‘ramkomh in thenchuahnak kong’ biatung an chuahpi ruang ah a si. Ataktak ahcun hi thenchuahnak kong hi cu hmailei pi ah ceihmai te dingmi khi a si”.

“Ramkomh in CNF thenchuahnak le chuahlonak kong ahcun kanmah CNF kut ah a um lo. Hi kong ceihmainak dirhmun kan phak ahcun thenchuah le thenchuah lo ding cu Chin miphun zapi nih kan ceihmai dingmi le biakhiahnak kan tuah dingmi a si. Ataktak hi kong ceihmainak a chuah ahcun Chin National Conference kan auh lai i cu nih biakhiahnak a tuahmi kha CNF nihcun kan dirpi ding khi a si” tiah The Chinland Post ah a chimchih.

Hika ah Interview ngaih chap khawh a si.

 

About The Author

Na ruahning rak langhter ve.. (Leave a comment)

%d bloggers like this: