Reuter Thawngla Pahnih A Donghnak Biachah Ni September 3 Ah An Thawn

TCP| 2018 August 28| Reuter thawngla pahnih Ko Wah Lone le Ko Kyaw Soe Oo cu Myanmar ram cozah thilthup upadi pohmah in sual phawt an si hnu ah August 27 ah upadi ningin ni donghnak bik bia chah ding a si nain September 3 ah a thawn than.

August 27 Yangon chaklei pengkomh biaceih zung nih biaceih ding an sin nain biaceihbawi a dam lo caah a tu bantuk in September 3 zinglei suimilam 9 ah an thawn than hi a si.

August 27 ni ah ramchung ramleng thawnglatu hna, U.S. Embassy hotu le ramdang Embassy cheukhat hna zong an ra nain a ni an thawn than caah an kir dih than.

Ko Wah Lung le Ko Kyaw Soe Oo cu Myanmar ram cozah thilthup upadi pohmah 3 (1) ( c ) ning in a sangbik dantatnak kum 14 tiang thongthlak khawhmi pohmah in tazacuai an rak si. Hi hna pahnih cu a luancia 2017 August thlachungah i Rakhine ramkulh Maungtaw pengkomh Endin khua ah humhimnak lei tuanvo latu ralkap hna nih minung 10 cu upadi lonh in an thah hna timi thawngpang an hlat lio 2017 December 12 zan ah an rak tlaihmi hna an si.

Ref: RFA, Mizzima

Na ruahning rak langhter ve.. (Leave a comment)

%d bloggers like this: