Reuters Thawngla Pahnih Media Zalonnak Laksawng An Pek Hna
The Chinland Post| 2019 April 11| Kawrampi thilthup upadi an buar tiin kum 7 thong thlak ding mi Reuters thawnglatu pahnih Ko Kyaw Soe le Wah Lung cu UNESCO nih pek mi Guillernmo Cano Media zalonnak laksawng UNESCO/Guillermo Cano Press Freedom Prize an pek hna tiah kan theih.
Hi laksawng an pek mi hna cu vawlei cung Media le thawngla tu pawl hna nih hi laksawng pek dingin biasu an chuah pi mi a si. Ko Wah Lung le Ko Kyaw Soe cu Rakhine ram chung nuhrin covo a puar mi hna kong thawngpang an hlathlai lio 2017 December 12 ni ah an tlaih hna hi a si.
Hi Guillermo Cano Media zalonnak laksawng cu a ralai mi May 2 ni ah an tuah lai i May 3 ni Vawlei cung Media zalonnak ni Ethiopia ram ah a tubantuk in laksawng peknak tuah an tim hi a si. Mah hna pahnih an laksawng cu tangka fangin US Dollar 25000 pek an si fawn lai tiah kan theih a si.
Atu bantuk in Colombia ram Bogota khua ah 1986 kum lio ah Colombia thawngla tu pakhat Guillermo Cano Isaza an rak thah lio in hi bantuk laksawng peknak an rak thok hi a si.
Ko Wah Lung le Ko Kyaw Soe cu 2018 kum Ameriaca ram Newyork um Pen American phu hna nih laksawng Pen/Barbey Freedom to Write Award, 2019 kum ah America ramt hiam in George Polk min thatnak le laksawng an pek bal cang hna.
Ref: VOA
About The Author
