Rev. Dr. Thlaawr Bawihrin Nih Camp Victoria Hall Saknak Caah $5000 A Bawmh Hna

Tawk Tling Thang| 2019 June 17| CBCUSA ah General Secretary a tuan liomi Rev. Dr. Thlaawr Bawihrin nih CNA/F camp victoria hall saknak caah $5000 a bawmh hna tiah kan theih.

Hi kong he pehtlai in CNF upa Col. Solomon Thang Ding nih, “CBCUSA ah GS a tuan liomi Rev. Dr. Thlaawr Bawihrin nih camp victoria hall saknak caah $5000 a kan bawmh. A cung ah kan i lawm taktak. Bawmhnak pekmi zong tlamtlingte in kan cohlan cang” tiah The Chinland Post ah a chim.

“Cu lawng si lo in camp victoria nih kan herhmi taktakmi medical supply cawknak caah Ks. sing 100 (10,000,000) zong Dallas, Taxes (USA) khuasa Tum Hnem Mualcin @Hnemhnem (Rev. Zammang Mualcin far) nih a kan bawmh fawn. Lungthli ruah lo bak in tampi a kan bawmh i a cung ah kan i lawm taktak. Atu bantuk in ram le miphun caah dothlennak rian a tuanmi caah a kapkip in kut a samhtu zapi cung ah kan i lawm tuk tiin hun chimchap ka duh” tiah a biapeh ah a chimchih.

Tum Hnem Mualcin

US ummi Rev. Zam Mang Mualcin Khrihfabu CEBC Dallas nih Victoria Camp ah inn saknak ah ti’n $6000/ an bawmh hna. Cu pin ah Rev. Chan Hnin Thui te Khrihfabu Agape Baptist Church Dallas, Texas nih Victoria Camp inn saknak (inn 2) ah ti’n $4000/an bawmh hna tiah kan theih.

Leave a Commnet

%d bloggers like this: