Rev. Dr. Thlaawr Bawihrin Nih Zeitindah Chin Media Le Chinism Kong A Chim?

0

Thlaawr Bawihrin

The Chinland Post| 2018 Tho 16| Rev. Dr. Thlaawr Bawihrin le The Chinland Post ton biaruahnak ngeihmi chung  lakah; Chin Media le Caholh thanchonak kong le Chinism kong biahalnak le lehnak pahnih kan hun langhter than.

TCP: Chin Media le Caholh thanchonak kong ah biacah na duhmi?

Rev.TAB: Khoika ram paoh ah ningcang lo in Tangka kawl cu lih a si. US ka chimh tawnmi cu Khuazing Pathian hleng hlah u, Cozah hleng hlah u, nangmah le nangmah ihleng hlah u ka ti tawn hna. Cozah hleng hlah u ka timi cu Cozah sin ah Media sinak License a la lomi Media cu anmah an idaw lo, miphun an upat lo, ram an daw lo. Cucaah an theipar a lang te ko lai. Media nihhin ram a uk, miphun lungthin a thlen cuh! Cucaah Kawlram a ummi Media pawl zong nih Media phung nan itlaih lai. Cozah zong tih ding a silo, mi hmai zoh lo in nan tuan ahcun mi lungthin nan thlen lai. Nan ral tha u, cawng chin lengmang u tiah kan forh duh hna.

TCP: Chinism aupitu lakah kan pa Pakhat ah theih na si i Chinism na kalpi ning le duhmi na kan chim kho hnga maw? Kan ifun kho taktak lai maw?

Rev.TAB: Chinism timi Holh hi a um bal lo. Chinism ti kan kallo ahcun hmailei Chin kan kalnak ding khi ka thin a phang ve. Chinism timi cu nan theih cia bantuk in Chin a duhmi nihcun Chin in One kan ti ko i Chinram tampi nih Kawl min in MgMg e Mg Hlah ee Ayeye ee Judah min in Deborah ee Joseph ee kan ti lengmang i kan Chin min tu dahkaw kan tlau dih cu. Kan tlau cang cu. Kan itheihlo cu. Aluanciami ah Thlan nih Tuanbia a chim te lai timi hi Muko Magazine ah ka tial cang. An thlan ah dahkaw an min le an ca cu Kawl in an tial cang cu. Chinism kan dirpi lawngah hin Chin hi Vawlei cungah kan him lai i saupi kan nung lai i ka ruah caah hin, Chin mi sinak (Chin identity), kan holh kan ca, lam kan kilkam lawngah Chin timi hi a hmun lai ti ka ruah. Cun Khrihfa ka si caah Chin ka si lo. Khrihfa sinak nih Chinism a chuahpi lo. Khrihfa le Chin hi aa then. Chin le nunphung, Chin le Chin holh, Chin le Chin min aa then kho lo. Cucaah Chinism ka aupi mi cu Vawlei cung Chin kan phak cang caah hin Ramdang nunphung icawn lo in Chin nunphung te kan kalpi lawngah kan him lai caah ka aupi mi a si.

Hika ah amah ton biaruahnak i biahalmi le lehnak a hramthawk in a dongh tiang relchap khawh a si. 

About The Author

Na ruahning rak langhter ve.. (Leave a comment)

%d bloggers like this: