Rih Chawlehnak Zung Ni 20 Leng An Phih Caah Chawlet Pawl Harnak An Tong
Salai CungCung|2019 April 23| Chin ramkulh in India lei thilri phorhnak Rihkhawdar chawlehnak gate cu ni 20 leng thilri phorh an phih cang caah chawlet le motor mawngtu pawl harnak an tong tiah kan theih.
“India lei in March thla dih hrawng ah an phih. Kanmah lei in cun April thla thawk hrawng in kan chuak ti lo. Motor cung ah thilri khat in kan chiah i kan motor cu kan chiah sawhsawh ko. Abik in tutan an phih cu thilri phorh man kong ah a si. Motor thilri phormi pakhat le pakhat ngunkhuai an halmi hna a tlamtlin lo caah a donghnak ah tubantuk in an phih hi a si. Lam an phihnak kong hi cu ni dang bantuk in nikhat hnih a dih men lai tiah kan ruah nain tubantuk thlakhat chung an phih caah harnak tampi kan tong. Tu cu kan mah lei tuanvo ngeitu zong nih zeihmanh a kan tuahpiak lo. Ni 20 leng a si cang caah harnak tampi kan tong” tiah tiah Kaly le Rih gate a simi Pan Cherry in Mg Zaw nih a chim.
Hi Lam phihnak kong he pehtlai in Myanmar in India lei chawlehnak riantuantu pawl thilri phortu, motor, motor mawngtu, motor zultu le puaisa pawl tampi harnak an tong tiah kan theih.
Ref: Chin World
About The Author
