Rihkhawdar khua ah Telenor tung a puah caah phone line a tlau
The Chinland Post | 2022 March 28 – Chin ramkulh, Rihkhawdar khua ah a luancia zarh hnih lioah Telenor tung pawl a puah caah Telenor phone line a tlau cikcek tiah khuami pakhat nih a chim.
“A luancia zarh hnih March 17 ah Telenor tung a puah caah Telenor line a tlau dih” tiah khuami pakhat nih Chin World ah a chim.
Falam peng, Rihkhawdar khua ah a ummi India-Myanmar aa tonnak hlei pawng ah a ummi CNDF sakhaan cu SAC ralkap nih March 26 ah an kah hna caah kahdohnak a chuak.
Cu kahdohnak ahcun, SAC ralkap nih CNDF hriamtlai 2 le mipi 2 an tlaih hna. India-Myanmar aa tonnak hlei cungah taar a simi CNDF thandar zong SAC ralkap nih an thlak i Myanmar thandar an taar ṭhan tiah theih a si.