Rihkhawdar khua kahdohnak ah Lt. Colonel telh in SAC ralkap 5 an thi tiah CNDF nih a thanh
The Chinland Post | 2022 August 10 – Chin ramkulh, Falam peng, Rihkhawdar khua No.2 sang ah hmunhma a khuarmi SAC ralkap le mipi hriamtlai phufonh karlak ah kahdohnak a chuak i SAC ralkap lei in Lt. Colonel telh in 5 an thi i hliam a tuarmi an tam tiah theih a si.
Rihkhawdar khua No.2 sang, Tio tiva pawng tlang cungah hmunhma a khuarmi SAC ralkap sakaan cu Chin hriamtlai phufonh a simi CNDF, PDF-Zoland, CDM-Siyin le MEDF nih zinglei sml 2:00am-7:00am tiang sml 5 chung a naih tein an kah hna caah SAC ralkap 5 an thih, tampi hliamhma an tuar tiah CNDF nih a thanh.
Kahdoh chungah mipi hriamtlai phufonh lei in pakhat hliam a tuar i SAC hriamngan ruangah Kalay in Rihkhawdar khua ah aa rak dormi ralzaam 1 le a nunnak a liam i adang minung 3 an i hliam tiah theih a si.
About The Author
