Rihkhawdar Khuami Nih Vice President Sinah Dinti Lakpiak Colh Ding In An Hal
Salai Elvis| 2018 May 24| Vice President Pu Henry Van Thio cu May 18 ah Rihkhawdar a phan i khuami hna nih dinti laknak tel in thil phun 7 an hal tiah theih a si.
Mah ni ah Rihkhawdar khuami nih dinti duhning an hman khawhnak ding ah khan 20 tluk aa hlatnak hmun ah lakpiak ding le Falam le Rihkhawdar kar motor lam cu zeitik caan paoh ah tlunkal khawhnak ding kat-ta-ya phakpiak ding zong an hal chih.
“Dinti laknak kongah a tubantuk in khuadang nih an laknak bantuk in a fawimi le a naihnak hmun a si lo caah Vice President sin ah kan hal hi a si. A tu kan halmi dinti laknak cu a hlat tuk caah buget a thong in a dih ding a si. Dinti hi kan herh bik mi a si ko” tiah sangthen No.1 khuabawi Pu Chan Liana nih a chim.
Rihkhawdar khua cu India-Myanmar i pehtlaihnak le chawlehthalnak hmun pakhat a si bantuk in pehtlaihnak lam zong a chia ngaimi a si. Sangthan No.2 chungah a ummi lawng hmanh hi minung 4000 tluk an si i hlanlio dinti an rak lak thingmi an i deih lo caah a tubantuk in Vice President sin ah a rannak tuahpiak colh dingin khuami nih dinti an hal hi a si.
Ref: The Voice
About The Author
