Rihkhawdar Ramri Gate Ah Kuva Thei Le Cigarrete Phurhtlunh Nak India Nih A Kham

Rih Khawdar

TCP-Thantlang| 2019 THO 22| Chin ramkulh ramri lei pehtlaihnak  Rihkhawdar gate in Kuva thei le Cigarrete (Kuak) phurh tlunh mi cu India lei nih an kham tiah sumdawng pakhat nih a chim. India lei nih Kawlram theil a si mi Kuva thei le Cigarrete (Kuak) cu India ramchung luhter lo ding in October 20 in an kham nak thla hnih tluk a si cang tiah theih a si.  Kawlram lei in luhpi mi Kuva thei hna cu ramri gate ah ngunkhuai an pe lo tiin Aizawl ah Kuva thei phur motor 30 leng cu tuavo ngeitu hna nih tlaih a si hnu in India cozah nih a tubantuk in a phih hi a si. India lei nih an kham caah Rihkhawdar khua Kuva thei hna cu an i pon caah a cheu cu a buar i a thu mi zong an um caah lungrethei in kan um ko.”tiah Sumdawng pakhat nih a chim.

Kawlram in India lei ah Kuva thei hi ni khat ah tun 8000 in 10000 tiang kuat lengmang a si. India lei nih hi thilkuat cu an phih caah aa hlawhfa mi han zong rianlo in caan saupi an um cang tiah theih a si. (Ref: The Voice)

 

Na ruahning rak langhter ve.. (Leave a comment)

%d bloggers like this: