Rithaisii Khamnak Kongah Chin Ramkulh Cozah He Tonbiaruah Ka Duh: Mizoram Chief Minister

Salai CungCung|2018 September 13| Chin ramkulh he ramri a si mi Mizoram ramkulh ah a hlan nakin rithaisii tlaihmi a tam chin caah hi rithaisii khenkhamnak rian tuanti ding in Chin ramkulh cozah he tonbiaruah ka duh tiah Mizoram Chief Minister nih a chim.

Mizoram ah rithaisii zuarnak le a hmang mi mithmuh kut tongh in an um cang caah rithaisii khenkham nakding cu Mizoram ramkulh Chief Minister hruainak in September 7 ah rithaisii khenkhamnak State Level Core Committee meeting an tuah i cu meeting ah Chin ramkulh cozah he hmunkhat ah riantuan ti khawhnak ding kan herh ko tiah an chim.

Mizoram ramkulh chungah rithaisii, a bikin bingrang an rak phurhnak hi India-Myanmar ramri No (2) Rihkhawdar lei deuh in a si tiah kan theih. Rithaisii khenkhamnak kong he pehtlai in hmunkhat te tuan ti dingah Mizoram mino pawl le Kalaymyo chak lei um Chin mino pawl cu tu kum, kumthawk lei ah khan hnatlaknak an ngei. Hi rithaisii khenkhamnak ding caah Mizoram cozah lei in Tangka Rupee Nuai 200 an hlut hna ti zong kan theih.

Ref: Chin World

Na ruahning rak langhter ve.. (Leave a comment)

%d bloggers like this: