Rithaisii Thawngpang A Thanhmi Paoh 10% Laksawng Pek An Si Lai; President Zung
TCP-Online| 2018 June 27| Kawlram chungah rithaisii a zuartu cozah sin thawng a thanhtu cu 10% in laksawng pek an si lai tiah Kawlram President zung chimnaknawl ngeitu U Zaw Htay nih a chim.
U Zaw Htay nih atu bantukin a chim cu June 26 ni, khualipi Naypyidaw ah tuahmi Kawlram rithaisii dohnak ni ah a chimmi a si.
“Rithaisii kongah; Cozah sin an zuar ti thawng a thanhmi (Report pekmi) paoh cu rithaisii a man chungin 10% kan pek hna lai, 20% cu a tlaitu palek kan pek hna lai i a tangmi 70% cu cozah tangkaa a si lai” tiah U Zaw Htay nih a chim.
Report a pe i laksawng pekmi hna cu ngunkhuai kholh zong an luat lai ti zong U Zaw Htay nih cun a chim chap.
Kawlram chungah rithaisii a zuar i thawng thanh a si paoh cun President zung nih dengteo in tuanhma lak in rian a tuan cang lai ti zong ramkomh President zung lei nih June 26 ni ah tuahmi Kawlram rithaisii dohnak ni ah a chim.
Ref; RFA
About The Author
