Rohingya Caah American Nih Dollar Nuai 50 A Bawmhchap Lai

0

City Hunter| 2018 April 26| Rakhine ramkulh in a zaammi (Rohingya) hna caah American ramkomh nih dollar nuai 50 ka bawmhchap lai tiah caankarlak ramleng minister John J. Sullivan nih Canada ah tuahmi G7 summit meeting ah a thanh.

Cu he pehtlai in Bangladesh ram a phanmi ralzaam pawl rianrangte tawlrel le tlamtlinternak caah Rakhine ramkulh kongkau ruahnak petu commission nih 2017 ah a chuahpimi rianrangte in tuanchuah ding zong American ramkomh nih Myanmar cozah a forhfial.

Bangladesh ralzaam umnak buk

Ralzaam pawl a bawmchantu Bangladesh cozah cung ah a lunglawmhnak zong a chimchih. Cu pin ah ralzaam pawl ralzaam pawl kongkau an tlamtlinnak ding tuanvo ngeitu zapi nih thatnak lei hoih in rian i bawmh cio ding zong American cozah nih a forhfialnak bia a chim chih.

Atu ahhin 2017 August thla thawk in minung zawnruahnak le bawmhchanhnak dirhmun in Myanmar-Bangladesh cu American nih nuai 163 renglo a bawmh cang.

A rauh hlan ah fur a si cang lai caah ralzaam pawl caah a himmi thutdirnak tuahpiaknak ding ah a herhmi thilri, tithiang le thianhlimhnak thilri, ngandanak le thinlung lei damnak a pe khotu pawl American ramkomh nih pehzulh in a bawmh rih lai. Midang bawmchantu ram hna zong nih bawmhchanhnak tuah cio ding in American nih a forhfial hna.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: