Rohinya Ngakchia A Rannak In Bawmh An Herh
TCP-Online| 2018 February 25| Kawlram chung Rakhine ramkulh ah Rohinya ngakchia minung 185000 an tang rih i hi hna pawl innpa ram ah an zaam peng rihmi hi zoh dawh lo ngai a si tiah UNICEF nih cathanh an chuah.
Bangladesh ram ah Kawlram i Rohinya ralzaam ngakchia miung 534000 hrawng an um ti zong an chim chap.
Kawlram le Bangladesh ram a um mi Rohinya ngakchia pawl a nunning zoh tikah ngaihchia ngai a si. An co ding hnga zong an co lo i ngandamnak lei zong ah an chambau tuk. Hmailei an fimcawnnak ding zong ah ruahawk an um i zaang an fak tuk. A rannak in bawmh an herh tiah UNICEF i Information lei ah ruahnakpetu Simon Ingram nih February 22 ni khan Media sin a chim.
Cu pinah UNICEF nih Bangladesh ram palai an chiahmi Edouard Beigbeder zong nih a tanglei bang in Media sinah a chim ve.
“Rohinya ngakchia hna hi a pakhatnak ah cun an nun khawhnak ding bawmh an herh. A pahnihnak cun ruahchannak pek zong an herh. Hi ngakchia hna an nulepa hna zong ruahchannak kan pek khawh hna ahcun an fale sin zong ruahchannak an pek khawh ve lai. Cucaah, sianginn chiahpiak le fiamcawnnak kong i bawmhnak pek zong hi a biapi ngaimi si.”
Bangladesh le Kawlram ah a ummi Rohinya hna zong kap hnih cozah nih biatakte bawmh an herh ve i UNICEF zong nih a herhning in kan bawmh hna lai ti zong UNICEF le nih kap hnih cozah sin an nawl hna.
Ref: VOA
About The Author
