Round of 16_Sunghtlak Ah Aa Zuamcawh Dingmi Phu 16 Le An Chuih Nicaan

0

City Hunter | 2018 June 29| Tukum Russia ah tuahmi World Cup cu June 29 deilei ah group stage chuih a dih cang. Phu 32 chung in phu 16 cu group stage in an tlak cang caah an ram ah an kir cio cang. June 29 zan cu world cup zuamnak a um lai lo, an i din rih lai. Level dothnihnak a simi Round of 16- sunghtlak cu June 30 zan suimilam 8:30 in an thawk than te lai. Round of 16- sunghtlak chuih ah aa zuamcawh dingmi phu 16 le an chuih ni caan cu a tanglei bantuk in a si. 

Round of 16 A Chuih Ding Le Aa Zuamcawh Dingmi Phu

  1. June 30 zan suimilam 8:30 ah France le Argentina
  2. July 1 delei suimilam 12:30 ah Uruguay le Portugal
  3. July 1 zan suimilam 8:30 ah Spain le Russia
  4. July 2 delei suimilam 12:30 ah Croatia le Denmark
  5. July 2 zan suimilam 8:30 ah Brazil le Mexico
  6. July 3 deilei suimilam 12:30 ah Belgium le Japan
  7. July 3 zan suimilam 8:30 ah Sweden le Switzerland
  8. July 4 deilei suimilam 12:30 ah Colombia le England

Sungh/tlak -round of 16 ah teinak a hmutu phu 8 kha quarter final an chuihte lai. Quarter final ah teinak hmutu phu 4 cu semi final an chuihte lai. Semi final ah teinak hmutu phu 2 kha champion an i cuh te lai.

Tukum World Cup Group Stage chuih in a tlami phu 16 cu; Group A in Saudi Arabia, Egpyt, Group B in Iran le Morocco, Group C in Australia le Peru, Group D in Nigeria le Iceland, Group E in Serbia le Costa Rica, Group F in Germany le South Korea, Group G in Panama le Tunisia, Group H in Poland le Senegal an si.

Mark khat hmanh hmu lo in group stage in a tlami phu hna cu; Panama le Egypt an si. Mark 1 lawng a hmumi phu cu; Morocco, Australia, Iceland le Costa Rica an si.

About The Author

Na ruahning rak langhter ve.. (Leave a comment)

%d bloggers like this: