Round of 16; Russia Nih Penalty In 2010 World Cup Champion Spain An Thlak Hna
City Hunter| 2018 July 1| Sunghtlak (round of 16) chuih ah Spain le Russia cu July 1 zan suimilam 8:30 an chuih i Minute 90 pin ah extra time minute 20 pekmi tiang zong goal an i sut khawh lo caah penalty an i sut i Russia nih an tei hna.
Minute 12 an chuih ah Spain lei nih goal ah an sutmi pumpululh kha anmah Russia lei Sergei Ignashevich ke ah a khen i anmah Russia goal chung ah a lut. Minute 41 an chuih ah Russia lei nih penalty an ngah i Artem Dzyuba nih a sut i a goal. Minute 94 a dih tiang 1-1 in an i tluk. Cu ruang ah chikkhatte an i dinta i extra time minute 20 an chuih than i an i goal khawh lo caah penalty an chuih.
Spain lei nih penalty an chuih hmasa. Spain in minung 5 nih an sut i Russia goal bawh nih minung pahnih sutmi a khampiak hna caah goal 3 lawng an goal khawh. Russia lei in minung 4 nih penalty an chuih i goal 4 an sut khawh. Minung pakhat cu chuih hau ti lo in Russia nih Spain cu penalty in an tei hna.
Russia in Artem Dzyuba le Denis Cheryshev hi goal 3 veve an sut. Spain hi 2010 kum WC ah champion an rak co. 2014 WC group stage chuih ah an rak tla. Russia hi 2010 WC ah an rak chuih lo. 2014 World Cup ah group stage chuih in an rak tla.
July 2 deilei ah Croatia le Denmark an chuih lai i a awngmi le Russia cu July 8 deilei suimilam 12:30 ah quarter final an chuih te lai.
Atu tiang ah goal tam bik suttu cu England in Harry Kane a si, goal 5 a sut cang. A changtu cu Belgium in Romelu Lukaku a si, goal 4 a sut ve cang.
Round of 16 A Chuih Ding Le Aa Zuamcawh Dingmi Phu
1. France 4-3 Argentina
2. Uruguay 2-1 Portugal
3. Spain 1- 1 Russia (Penalty – Spain 3-4 Russia)
4. July 2 delei suimilam 12:30 ah Croatia le Denmark
5. July 2 zan suimilam 8:30 ah Brazil le Mexico
6. July 3 deilei suimilam 12:30 ah Belgium le Japan
7. July 3 zan suimilam 8:30 ah Sweden le Switzerland
8. July 4 deilei suimilam 12:30 ah Colombia le England
July 6 zan suimilam 8:30 ah Uruguay le France cu quarter final an chuih lai i a awngmi paoh semi final an kai lai. July 2 deilei ah Croatia le Denmark an chuih lai i a awngmi le Russia cu July 8 deilei suimilam 12:30 ah quarter final an chuih te lai.
Sungh/tlak -round of 16 ah teinak a hmutu phu 8 kha quarter final an chuihte lai. Quarter final ah teinak hmutu phu 4 cu semi final an chuihte lai. Semi final ah teinak hmutu phu 2 kha champion an i cuh te lai.
