Rung Lian Ceu Nagaland Aa Paihnak Internet Line Tha Taktakmi He PPV In Live An Thlah Lai
The Chinland Post|2019 March 6| Nihin March 7 ah tuah dingmi Nagaland zuamcawh paih zuamnak ah Chinmi 5 an i pai lai. An i paih lio payper view live in zoh khawhnak ding caah anmah Kohima khua hi internet line a tha bikmi network zong an cawk cang. March 6 zan ah suimilam 1:30 chung hrawng an thlah i a tha ngaingai tiah kan theih.
Anmah Nagaland lei nih zei live hmanh kan thlah lai lo, nanmah Chinmi nih nan thlah dingmi kan i rinh. Kannih cu video record sawhsawh lawng kan laak lai tiah tuanvo ngeitu upa an ti hna.
- Vanmiproductions.net
2. Payper View
3. $60 USD For 3 days of access
4. Submit
5. Email
6. Confirm Email
7. Submit
8. Password (na duhmi)
9. Credit Card
10. Card Holder Name
11. Card Number & CVV
12. Card Expiration Date
13. Submit
14. Watch Now Vanmiproductions.net
Pehtlaihnak Phone No. 215-867-6743
317-675-8018
240-786-8162
Hika ah payper view cawkning cang video zoh khawh a si.
Nagaland KOHIMA hi India ram chungah a ummi a si i India ram cu (UTC/GMT + 5.5) a si. An i paih caan cu anmah India caan in March 7 zingka suimilam 9:00 in zanlei 4:00pm tiang a si lai. US lei caan in cun March 6 zan suimilam 10:30 in an thawk lai. Kawlram caan in cun March 7, suimilam 10:00am in an thawk lai.
An I paih caan cu a tanglei bantuk in a si.
US
Eastern; 10:30pm, March 06, 2019
Central; 9:30pm, March 06, 2019
Mountain; 8:30pm, March 06, 2019
Pacific; 7:30pm, March 06, 2019
Australia
Sydney = 2:30 pm, March 07, 2019
Perth = 11:30 am, March 07, 2019
Denmark = 4:40 am, March 07, 2019
Norway = 4:30 am, March 07, 2019
New Zealand = 4:30 pm, March 07, 2019
Malaysia = 11 am, March 07, 2019
March 7 ah tuah dingmi Nagaland zuamcawh paih zuamnak ah Chinmi 5 an i pai lai. Cu hna cu; USA in a rak tlungmi pathawng Rung Lian Ceu, Hakha in a rami Thawng Tling, Mang Hnin Thang, Tluang Zel le Hrang Tin Thang an si. Tutan paih zuamnak hi Naga ram pathawng vialte paih i zuamcawhnak a si. Hi aa pai dingmi cu a hlankan in min cazin pekcia an si. Minung 60 chung ahhin Naga ram ah pathawng bak timi (credit ngeimi) lawngte an si.
Minung 60 nihhin vote an zuh cio lai i aa tongmi paohmi an i pai lai. Lai le Lai vote zuh in an i ton sual zong ah an i pai ko lai. Vote zuh le zuamcawh bak in i paih a si lai. Sungh sual ahcun paihnak nawl ngeih a si ti lai lo. Awn thluahmah ahcun final phak in champion co khawh a si lai tiah kan theih.
Rung Lian Ceu nih, “Zakhat ah zakhat (100%) bak in ka tei hna lai ti kaa zumh, kaa ruahchan fawn. Anmah paih phunglam zong a kan cawnpiak i kaa fiang tuk cang i zeihmanh phan awk a um ti lo. Pu Ang Cung nih a ka sawm cangka in ka thlacamnak zong ah ka telhmi le ka camchihmi a si. Tutan i kaa paihnak a ruang bik cu laksawng nakin kan Lai Paih thancho duh le teinak hmuh duh ah a si bik ko. Ka chan chung ah Laimi chung in miphun dang le ramdang ah a hmasa bik i paih le teinak hmuh kaa timh ruang zong ah a si fawn” tiah March 6 zan The Chinland Post ah a chim.
Rung Lian Ceu hi anmah Naga khuami zong nih an uar taktak. Champion co ding ah an zumh ngai cio. Paih committee nih ramdang um pathawng Rung Lian Ceu kan sawm khawh an ti i an i chawr ngaite. Rung Lian Ceu aa telnak thawng in Naga paih hi mizapi nih zoh duhnak an ngeih deuh cang. A ruang bik cu anmah Naga paih committee hrimhrim nih an zumh tuk ruang ah paih sawmnak le fakthanhnak tuahnak caah an hman tiah theih a si.
Hngalhternak: PPV live hi Vanmi Production nih an thlah lai. Kanmah The Chinland Post nih kan thlah lai lo.
