Runvennak Lei Hnatlak Lawng Ah Remdaih Hnatlaknak A Tlamtling Lai; Daw Aung San Suu Kyi

0

City Hunter| 2018 July 18| Runvennak lei kongkau result a thatnak ding hi remdaihnak lamthluan caah a biapi tuk. Runvennak lei hnatlaknak ngeih lawng ah remdaih hnatlaknak a tlamtling lai tiah Myanmar rampi ruahnak petu Daw Aung San Suu Kyi nih a chim.

“Runvennak (security) lei kongkau ceihmainak ngeih tikah a kapkip in ralrinnak ngeite in a tawlrelmi hmuh khawh a si. Runvennak kongkau result a chuah khawhnak ding ah remdaihnak lamthluan caah a biapi tuk hringhran. A tlamtlingmi ramkomh remdaih hnatlaknak timi cu runvennak lei kongkau hnatlaknak aa tel lawng ah a tling kho lai” tiah Daw Aung San Suu Kyi nih avoi 3nak kumzabu 21 panglong conference chung biarocah ah a chim.

A ralaimi ramkomh remdaihnak conference- kumzabu 21 panglong conference ah runvennak kongkau he aa pehtlaimi hnatlaknak ngeih khawh ding kan i zuam lai tiah ralkap palai in a pahnihnak Bogyokegyi Tin Maung Win nih a chim.

NCA minthut hnu ah ramkomh remdaihnak conference a simi kumzabu 21 panglong conference cu voi hnih tuah a si cang nain runvennak kongkau hnatlaknak pakhat hmanh an ngei kho rih lo.

Avoi 3nak kumzabu 21 panglong conference cu July 11-16 tiang Naypyidaw ah an tuah i ramkhel, sipuazi, zatlang, vawlei hmun le pawngkam kong tiah suttung pali in hnatlaknak phun 14 cu ramkomh hnatlaknak biahren dal hnihnak tiah an fehter.
Ref: 7Day News

About The Author

Na ruahning rak langhter ve.. (Leave a comment)

%d bloggers like this: