Russia le Myanmar ralkap kan ṭangṭi chin tiah Min Aung Hliang nih a chim

0

Russia's Defense Minister Sergei Shoigu and Myanmar's Commander in-Chief Senior General Min Aung Hlaing walk past the honour guard prior to their talks in Moscow, Russia June 22, 2021. Picture taken June 22, 2021. Vadim Savitskiy/Ministry of Defence of the Russian Federation/Handout via REUTERS

The Chinland Post | 2023 February 17 — SAC chan ah Russia-Myanmar ralkap hna cu a hlan nak in kan ṭangṭi khawh deuh bantuk in runvennak, fimthiamnak, thil luhchuahnak le adang dang thil tampi rinṭuanṭinak zong kan tuah chin kho tiah SAC Chairman Gen. Min Aung Hliang nih February 16 ah a chim.

Naypyitaw ah an tuah mi Russia-Myanmar pehtlaihnak an dirh ni a voi 75 nak a tlin ni ah atu bantuk in  a chim hi a si.

Ralbawi hna khat le khat i tlawnnak, sipuazi rianṭuanṭinak, raltuknak, fimcawng mi thlahnak, ramkip le ramchung pehtlaihnak dirhmun zong ah rian kan ṭuanṭi lai tiah a chim fawn.

SAC cu ASEAN telh in vawlei pi nih an hlawt caah amah he aa lo mi Russia kha a va naih tiah NUG zung biachimnak nawl a ngeitu U Kyaw Zaw nih RFA ah a chim.

Gen. Min Aung Hliang nih a thazang ṭhawng mi ramngan pawl nih ram hme tete kha herh caan ah phundang, herh lo caan ah phundang tiah an kan thleidan i an kan nek tiah a chim fawn.

Hramhram in uknak lak caan kum 2 chung ah Gen. Min Aung Hliang cu Russia ram ah voi 3 a va tlawn bantuk in Russia chuah kahdohnak vanlawng, Helicopter le raltuknak thilri pawl zong a cawk tiah theih a si.

Cu lawng siloin, Myanmar ram chung ah Nuclear hriam sernak sehzung hmete dirh ding in SAC le Russia hnatlaknak an ngei.

About The Author

Na ruahning rak langhter ve.. (Leave a comment)

%d bloggers like this: