Russia nih a kah ruangah Ukraine lei in minung 137 an thi, 310 leng an i hliam

2022 February 25 — Russia nih Ukraine ram a tuk in Ukraine lei in mipi le ralkap 137 an thi i 316 an an i khawng tiah Ukraine President nih a thanh.

Russia nih mipi ka hnawrsuang lai lo tiah fek tein a chim ko nain bom a thlak ruangah mipi inn pawl a rawk i a thimi zong an um.

Russia nih Ukraine khualipi Kyiv cu meithal ngan (missile) in a kah lawng si loin Ukraine ram nichuak lei ah ke in a kalmi ralkap pawl zong a luhter hna.

“Russia nih ram hruaitu upa pawl kha hnawt in Ukraine ram hi ramkhel lei in hrawh a duh i a si” tiah Ukraine President nih muilang in a chim.

Ukraine lawng nih kan doh tiah Ukraine President nih a lungfahnak chim

Ukraine mipi hna thinphang in an tlikzaam lio ah thinphang lo ding in forhfialnak a ngeih. Russia cu kan doh ve cang lai tiah BBC thawngzamh nih a langhter.

Russia i van in letthi in rak tummi (paratroopers) pawl cu Kyiv khua in meng 15-20 aa hlatnak Antov vanlawng sakhaan cu an kuttang ah an chiah caah Ukraine backup ralkap pawl nih an kah ve hna tiah theih a si. Cu lawng si loin, Russia tank pawl cu Belarus ni tlanglei in Crimea nichaklei tiang an rak phan.

Russia zongah, Russia ralpi kong duhlonak a langhermi 735 nak tlawm lo cu tlaih an tong i khua 40 i raltuk-duhlonak a langhtermi pawl tlaih an tong tiah OVD-Info phu nih an chim. Russia ram, Moscow khua ah minung 330 leng tlaih an si cang tiah theih a si.#

Na ruahning rak langhter ve.. (Leave a comment)

%d bloggers like this: