Russia Ram Ah Vanlawng A Tla I Aa Citmi Vialte An Thi

TCP-Online| 2018 February 12|ย  Russia ram khualipi Moscow pawng ah minung 70 aa citmi vanlawng cu February 11 ni zarhpi ni khan a tla i vanlawng cung minung vialte an thi.

Khualtlawng minung 64 le vanlawng riantuan minung 6 citmi vanlawng cu Sunday ni khan a tlak caah ah a chung cit minung dihlak an thi. Hi chung in ngakchia minung 3 an tel tiah Russia vanlawng lei tlaitu rianngeitu nih thawng a thanh.

Russia ram vanlawng dinhhmun a nganbik pahnihnak simi Domodedovo Airport in Orsk khua a kalmi Sartov vanlawng AN-148 cu a zuan tlawmpal ah pehtlaihnak a tlau colh i khualipi Moscow pawng ah a tlami a si. Mah vanlawng cu kum 7 lawng hman rihmi vanlawng a si.

Hiti a tlaknak a ruang cu tu tiang fiang in theih a si rih lo. Vanlawng chung ah record a tuahtu thil pakhat cu an hmuh ko nain cozah lei nih fiang in an thanh kho rih lo.

Ref;VOA

Na ruahning rak langhter ve.. (Leave a comment)

%d bloggers like this: