Russia ram khuapi 40 ah Ukraine Ral duhlonak an langhter; 1,474 tlaih an tong

The Chinland Post| 2022 February 28 — Russia ram, Moscow in Siberia tiang khua kip ah Russia mipi hna nih Russia nih Ukraine a tukmi cungah lamcung chuak in duhlonak an langhter.

Duhlonak a langhtertu pawl hi khuachung ah catlap i tlaih in ‘Raltuknak kan duh lo’ tiah an aupi.

Russia President Vladimir Putin nih Nuclear hriam khamnak kha timhcia tein um dingin nawl a pek hna caah Russia le nitlak lei ram karlak Nuclear ralpi a chuak sual lai tiah ṭihnak a chuahter.

Russia ram ah duhlo-langhternak cu February 24 in aa thok i nifatin te duhlonak langhtertu pawl cu Russia palik nih nifatin a zaa leng in an tlaih hna.

February 27 ah khuapi 49 i duhlo-langhtertu pawl cu palik nih an ṭhencheu hna i a tlawmbik minung 1,474 an tlaih hna tiah OVD-Info Human Right phu nih thawng an thanh.#

Ref: VOA Burmese

Na ruahning rak langhter ve.. (Leave a comment)

%d bloggers like this: