Russia ramdang lei Minister Naypyitaw an phan

The Chinland Post | 2022 August 3 – Russia ramdang lei Minister Sergey Lavrov cu August 3 zinglei ah Naypyitaw a rak phan tiah thawng theih a si.

Atu hi 2013 hnu, kum 9 a rauh hnuah Myanmar ram a tlawnnak a si.

Myanmar ram a tlawnnak ah SAC ramdang lei Minister U Wana Maung Lwin he tonnak an ngei lai tiah Russia thawngzamh nih an langhter.

Cun, sipuazi le trade (kung-tuai-zi) kong he pehtlai in rianṭuantinak pawl an i ruah lai tiah theih a si.

Russia ramdang lei Minister nih SAC ramdang lei Minister Wana Maung Lwin a ton dih in adang hruaitu pawl he zong tonnak a ngei lai tiah Russia ramdang lei zung biachimnak nawl a ngeitu Maria Zakharova nih a chim.

Russia ramdang lei zung cathanh chungah, Russia-Myanmar karlak pehtlaihnak ceih a si lai lengah trade (kung-tuai-zi), Security le Defense (himnak le khamhnak) kong rianṭuanṭinak kong zong telh chih in an i ruah lai tiah a thanh.

Russia ramdang lei Minister hi 2013 ah Myanmar ram a rak raa i President U Thein Sein he an rak i tong.

Na ruahning rak langhter ve.. (Leave a comment)

%d bloggers like this: