SAC an thazang a tamtuk ruang ah Tamu peng PDF sakhaan 6 an sung
The Chinland Post | 2022 November 16 – Sagaing ramṭhen, Tamu peng, India-Myanmar ramri thluangthluan ah PDF nih hmunhma an khuarnak sakhaan 6 cu SAC ralkap nih November 15 zaanlei sml 4:00pm thok in thazang tampi in a kal hnawh hna caah sakhaan 6 an kaltak i an sung tiah thawng theih a si.
ABSDF, PDF-Tamu battalion 4, BSO (Burma Student Organization), FRT, CDM Police Fighter phu hna sakhaan 6 cu SAC ralkap nih an lak piak hna tiah theih a si.
SAC ralkap 500 hrawng nih phu 4 ṭhen in hriamngan 60MM, 120MM le Machine Gun hna in an kah hna.
SAC ralkap nih kah ruang ah mipi hriamtlai 2 an i hliam i 1 a nunnak a liam tiah theih a si.
About The Author
