SAC battalion 88 ralkap pawl cu KIA nih bom an puah hnawh hna, SAC ralkap 8 an thi i 4 an i hliam

The Chinland Post | 2022 September 9 – Kachin ram, Hpakan peng, Wayazuat khua pawngah SAC ralkap division 88 pawl cu KIA nih bom an puah hnawh hna i SAC ralkap 8 an thi i 4 an i hliam tiah theih a si.

September 7 zinglei ah KIA nih bom lung 5 in an puah hnawh hna i SAC ralkap 7 a hmun ah an thi, 5 an i hliam i 1 lam cungah a thi tiah theih a si.

KIA thawngthanhnak zong nih September 7 zinglei sml 8:30am hrawngah KIA Brigade 2 kuttang battalion 14 nih Wayazuat tiva hlei pawngah SAC ralkap pawl bom an puah hnawh tiah a thanh.

SAC ralkap pawl cu Mayankataung in a rak kaimi SAC division 88 an si i KIA battalion 14 hmunhma ah cawlcanghnak an tuah caah bom voi 4 an puah hnawh hna i SAC ralkap 10 nak tlawm lo an thi tiah KIA nih a thanh.

KIA battalion 9 hmunhma zongah kahdohnak a chuak i SAC ralkap nih van in kahdohnak a tuah tiah KIA nih a thanh.

SAC division 77 le division 99 phufonh an si lai tiah ruahmi thazang 200 hrawng SAC ralkap cu Kutkai peng KIA battalion 9 hmunhma ah an rat caah kan kahnak hna a si tiah KIA nih a langhter.

Kahdohnak a chuah lioah Nam lei ah a ummi SAC ralkap pawl nih hriamngan an kah i Helicopter zong in an rak kah tiah a langhter.

Na ruahning rak langhter ve.. (Leave a comment)

%d bloggers like this: