SAC hriamngan ruang ah Hakha khuami pakhat a nunnak a liam

0

The Chinland Post | 2022 November 16 – Chin ramkulh, Hakha khua ah SAC hriamngan ruang ah khuami pakhat a nunnak a liam tiah thawng kan theih.

November 16 zaan sml 10:11pm hrawng ah Hakha hrambunh SAC LIB 266 nih hriamngan a kah i Cawbuk, Moe Hein ti thiang chuahnak sehzung hmai ah meiphu a to lio mi rianṭuantu pawl a khen hna caah pakhat a nunnak a liam i pahnih an i hliam tiah theih a si.

Cawbuk sangmi pakhat nih “Meiphu an toh mi kha SAC ralkap nih an hmuh hna caah mipi hriamtlai ah an ruah hna i an kah hna hi a si lai, pakhat cu a hmun ah a thi, pakhat a ke kiak, adang pakhat zong fak ngai in aa hliam” tiah The Chinland Post ah a chim.

Cawbuk sang upa pakhat zong nih zaan hin cun a si khawh cun leng chuah lo tein kan um ah a ṭha tiah a chim.

“Zaan 8:00pm hnu hin cun leng chuah loin innchung ah dai tein kan um ahhin a ṭha bik ko, tulio cu kan thawngpang a ṭhat lo lio a si caah khuachung um mi hna nih kanmah le kanmah ṭha tein kan i runven a herh” tiah a chim.

November 16 zinglei zong ah SAC Helicopter pakhat Hakha khua ah a rak phan.

About The Author

Na ruahning rak langhter ve.. (Leave a comment)

%d bloggers like this: