SAC Leiṭang Kalaymyo Peng Kyaukkar Middle School Headmaster Maung Maung Tlaih A Tong
Salai Mangpau | August 31, 2023 – Kalaymyo peng, Kyaukkar khua sianglairuun, Middle School Headmaster Mang Mang Khin, SAC ralkap a bawmchan tu cu Kalaymyo pengkomh mipi ralkap nih August 8 zaanlei 6:30pm ah an tlaih.
Kalaymyo peng Kyaukkar khua ah Middle School Head master a ṭuan lio mi Mang Mang Khin cu Kalaymyo khuachung Urban Operation UG lutlai a changtu nih Kalaymyo khuachung Taungphila sang a amah inn a umlio caan an theih caah mipi ralkap 7 he an va tlaih hi a si. Kyuakkar khua cu Kalaymyo thlanglei um khuate pakhat a si.
Maung Mang Khin biahalnak kong he 26 August, 2023 sml 10:30am ah upadi ning in Kalaymyo peng palek (south) sakhaan ah an pek. NUG kuttang a um mi, Kalaymyo biaceihnak zung ah a konglam ceihkhan ding in tawlrel lio a si tiah Kalay Township People’s Police (KPP) nih August 31, 2023 ah ca thanh an chuah hi a si.
Theihternak : Maung Maung Khin a fa pathumnak Naing Myo Win cu SAC ralhrang kuttang Electric and Industry Engineer battalion 3 Taungngo ah Sergeant rian a ṭuan lio mi a si.
Kalay Township People’s police (KPP)
