SAC ngaihmi Zinan le Gas rianṭuannak (MOGE) pipe lam pahnih puah piak an si
The Chinland Post | 2022 August 11 – SAC nih an ngaihmi tangka luhnak pakhat a simi Zinan le Gas rianṭuannak (MOGE) pipe lam cu Dawai pengkomh, Yephyo peng chungah voihnih puak piak an si.
Yephyo peng, Kanpauk hmunhma in Thaketa tiang aa pehmi MOGE pipe lam cu August 9 zinglei sml 5:40am ah voikhat, zinglei sml 8:40am ah voikhat tiah a zapi te voihnih puah piak an si.
MOGE i Kanpauk zung ṭhen zong August 3 ah bom puah hnawh an si.
Hi pipe lam puahnak hi TPLF le KBDF phufonh nih tuahmi a si tiah an thanh.
MOGE cu a chanchan in ralkap pawl tangka a kawlpiak tu hna sipuazi rianṭuannak pakhat a si i atu SAC ca zongah an tangka luhnak bik a si.
About The Author
