July 24, 2024

SAC Nih 2025 Ah Thimnak Kan Tuah Lai Tiah A Chim

0

The Chinland Post | 2024 June 17 — A ra lai mi 2025 ah thimnak kan tuah lai tiah SAC hruaitu General Min Aung Hliang nih a chim.

A luancia 2020 thimnak ah NLD nih vote tam bik in teinak a hmuh ko nain lih hrawkhrawl in vote an fir tiah SAC nih a puh hna hnu ah rampi uknak power cu hramhram in a rak lak.

Hramhram in uknak a lak caan kum 3 chung ah thimnak kan tuah lai tiah voi tampi a chim lengmang nain a caan fiang tein a chim bal lo.

A luancia June 15, Meiktila khua ah a kuttang zung rianṭuantu pawl he tonnak ah, 2025 ah thimnak tuah ding in a voikhatnak a chim hi a si.

Cubantuk in an tuah khawh nakhnga a ra lai mi October thla thawk in minung cazin khawmh a si cang lai tiah a chim.

Atulio caan cu hmun tampi ah kahdohnak a fah caah thimnak tuah ding in a tlamtling rih lo tiah rankhel lei ngiathlai tu pawl nih an chim.

Zeibantuk in dah thimnak a tuah lai, khoika dah a tuah lai ti cu SAC hruaitu nih a chim rih lo.

Tlangcung hriamtlai phu cheukhat telh in hramhram in uknak lak a si hnu ah a chuak mi NUG cozah le hriamtlai phu pawl nih thimnak a tuah khawh lo nakhnga kan kham lai tiah an rak thanh ve.

About The Author

Na ruahning rak langhter ve.. (Leave a comment)