SAC nih a thlah mi chung in ramkhel lei thongtla 402 lawng an i tel tiah AAPP nih a thanh
The Chinland Post | 2022 November 22 – SAC nih November 17 ah a thlah mi thongtla 6,000 deng chung ah ramkhel lei thongtla 402 (6.9%) lawng an i tel tiah AAPP nih a thanh.
National Day ah thongtla 5,774 ka thlah hna lai tiah SAC nih a thanh hnu in tong 19 in ramkhel thongtla 402 lawng an luat tiah AAPP nih a ṭial.
A luat mi ramkhel thongtla chung in November 21 chun tiang minung 161 cu an min he cazin an lak khawh tiah a thanh.
SAC nih a thlah mi chung in ramdang miphun zong an i tel tiah theih a si.
Ramdang miphun a thlah mi hna hi ramdang pehtlaihnak ruang ah a thlah mi hna a si tiah SAC biachimnak nawl a ngeitu Zaw Min Htun nih Nov 18 ah tuah mi Naypyitaw Press Conference ah a chim.
SAC chan ah thongtla voi 7 a thlah cang hna i an zapi te 60,000 deng a thlah hna tiah Zaw Min Htun nih a chim.