SAC nih Chin ramkulh khuate vialte ah Covid-19 khamhsii chunh ding timtuahnak a ngei
The Chinland Post | 2022 March 17 – Chin ramkulh cungah a ummi khuate hna ah Covid-19 khamhnak sii chunhkhawhnak hnga caah tiin rian kong he pehtlai in biaruahnak cu SAC kuttang ah a ummi State Government Office meeting room ah Hakha khuanu khuapa pawl he kan tuah tiah March 17 zaanlei ah MRTV nih a thanh.
Covid-19 runvennak lei lutlai, Chief Minister U Ngun San Aung nih “A raa laimi April thla dongh ah Covid-19 khamhnak sii zatuak (percent) tling tein chunhkhawhnak hnga khulrang in tuah a si i Chin ramkulh chung khuate hna ah umhmun a khuarmi mipi hna telh in a hohmanh bau lo tein chunhkhawhnak hnga zung rianṭuantu pawl, biaknak lei upa pawl le volunteers kan zaapi te kan ṭuanṭi a herh” tiah a chim tiah MRTV in theih a si.
Hakha peng mipi zohkhenhnak lutlai Rev.Dr. Steven Lian Hup Ling le Rev. Dennis Ngun Thawng Mang zong nih Covid-19 runvennak rian he pehtlai in rian i bawmhnak le Hakha peng chungah Covid-19 zawtnak khamhnak sii chunhnak ah kan i bawm ko lai timi khuakhannak pawl an chuahpi tiah theih a si.
About The Author
