SAC Nih Kanpetlet Peng Ah Vanlawng In Bomb A Thlak, Ngakchia Telh In Mipi 2 An Thi, Ngakchia Telh In Mipi 4 An I Hliam
The Chinland Post | 2024 August 14 — Chin ramkulh thlanglei, Kanpetlet peng, Set-chauk khua ah SAC nih August 13 zaanlei sml 1:45pm hrawng ah vanlawng in bomb a thlak caah kum 3 ngakchia telh in mipi 2 an thi i thla 6 ngaichia telh in minung 4 an i hliam tiah thawng theih a si,
Vawlei lei kahdohnak um lo pi in SAC nih atu bantuk in mipi umnak lei ah bom a thlak hramhram hi a si tiah Kanpetlet peng thawngzamh nih a langhter.
Vanlawng in bomthlak ruang ah sianginn pakhat le khuami inn pali zong a rawk chih tiah theih a si.
About The Author
