SAC nih sual innak a tuahter mi hna cungah CJDC nih duhlonak a langhter
The Chinland Post | 2022 July 27 – U Jimmy, U Zeya Thaw, U Hla Myo Aung le U Aung Thura Zaw minung 4 cu SAC nih thihnak a inter hna mi cungah Chinland Joint Defense Force (CJDC) nih fak piin duhlonak a langhter.
Hramhram uknak a hram in bongh a si tiang dothlennak kan tuah lai tiah a thanh.
SAC ralhrang nih hramhram in rampi uknak a lak thok in kan Chin ramkulh chungah raltuknak sualnak (War Crime) lei le sualnak ngei lo mipi sinah voitampi sual a buar (Crimes Against Humanity) cang tiah an ṭial.
CJDC cu Chin ramkulh chungah CNA/CNF telh in Chin hramkulh chung hriamtlai phu 18 fonh in dirh mi a si lengah vawlei cung ramkip phung a hmangmi phu zong an si.
