SAC nih sualnak ngei lo mipi 2,142 a thah cang hna tiah AAPP nih a thanh
The Chinland Post | 2022 August 2 – Myanmar ram ah hramhram in uknak lak hnu kumkhat le cheu leng caan chungah SAC ralkap nih sualnak ngei lo mipi 2,142 a thah cang hna i minung 14,956 a tlaih/hren hna tiah Assistance Association for Political Prisoners (AAPP) nih a thanh.
Atu langhter mi cazin hi 2021 February 1 in 2022 August 1 tiang AAPP nih a khawmhsuatmi a si i a taktak dirhmun ah a thimi an tam chin lai tiah a langhter.
Dothlennak he pehtlai in thah ding tiah nawl chuah a simi chung in 77 cu hren an si i hriawh in thah ding tiah nawl chuah a simi 42 telh in minung 121 cu hriawh in thah ding tiah biachah an si caah thah ding tiah nawl chuah a simi an zapi te 118 an si cang.
July 29 zongah Chin ramkulh, Hakha khuami 9 cu SAC biaceih zung nih bia a ceih hna i thong kum 8 le kum 5 tlak ding bia a khiah hnga.
About The Author
