SAC nih thahnawnnak ruangah sualnak ngei lo mipi 2,319 an thi, 12,500 an hren rih hna

0

The Chinland Post | 2022 September 27 – Myanmar ram ah hramhram in uknak lak a si hnu kum 1 le cheu leng caan chungah SAC ralkap nih kah/thah ruangah Myanmar ram pumpi in a nunnak a liammi sualnak ngei lo mipi 2,319 le an tlaihhren rih mi hna 15,634 tiang an um cang tiah Assistance Association for Political Prisoners (AAPP) nih a thanh.

Mah cazin hi 2021 February 1 in 2022 Sep 27 tiang AAPP nih a khawmhsuatmi a si i khawmhsuat khawhmi lengah a thimi an tampi rih lai tiah a langhter.

Pau Dothlennak chung, tuni tiangah minung 12,500 an tlaih rih hna i cu chungah minung 1,491 cu thawngthlak ding in nawl an chuah hna.

Pau dothlennak he pehtlai in thah ding tiah nawl chuah a simi chung in 84 cu hren an si i hriawh in thah ding tiah nawl chuah a simi 42 telh in minung 121 cu hriawh in thah ding tiah biachah an si caah thah ding tiah nawl chuah a simi an zapi te 118 an um cang.

Atutiang ah biakamnak he thlah ṭhan a simi 22 an um i thlah ṭhan a simi an zapi te 3,131 an um tiah a langhter.

About The Author

Na ruahning rak langhter ve.. (Leave a comment)

%d bloggers like this: