SAC Phu Nih Sualnak Ngei Lo Mipi 3,632 A Thah Cang Hna
The Chinland Post | 2023 June 9 – Myanmar ram ah hramhram in uknak lak a si hnu kum 2 leng caan chung ah SAC ralkap nih sualnak ngei lo mipi 3,632 a thah cang hna i a tlaih/hren mi minung 23,292 tiang an um cang tiah Assistance Association for Political Prisoners (AAPP) nih a thanh.
Atu cazin hi 2021 February 1 in 2023 June 8 tiang AAPP nih a khawmhsuat mi a si i khawmhsuat khawh mi leng ah a thi mi an tampi rih lai tiah a langhter.
Pau Dothlennak chung, tuni tiang ah minung 18,961 an tlaih/hren cang hna i cu chung ah minung 6,316 cu thawngthlak ding in biakhiah an si.
Dothlennak he pehtlai in an tlaih/hren hna i thah ding tiah bia an khiah mi minung 116 an um cang i hriawh in thah ding tiah biak an khiah mi minung 42 telh in minung 121 cu hriawh in thah ding tiah biakhiah an si caah thah ding tiah biakhiah a simi an zapi te 158 an si cang.
Atutiang ah biakamnak he thlah ṭhan an thlah ṭhan a si mi 4,331 an um tiah a langhter.
About The Author
