SAC Ralkap 2 Hriam He KNU Sin Ah CDM An Tuah
The Chinland Post | 2023 September 15 — Bago ramṭhen, Nyaunglaybin pengkomh, Shwegyin khua chung, Thanseik sakhaan ah rian an khinh mi SAC ralkap 2 cu hriam pawl he CDM an tuah tiah KNU nih cathanh an chuah.
KNU hmunhma, Nyaunglaybin pengkomh, Brigade 3 sin ah hriam he CDM a tuah mi ralkap 2 hi LIB 350 in an si i September 11 ah mipi sin an rak i fonh hi a si.
Cu ralkap 2 hna cu Mg Ta Da (kum 25), Mg Phyo Ko Ko (kum 21) hna an si i MA-1 zuun 1, MA-2 zuun 1 le kuan 237 hna he mipi sin an rak i fonh caah tangka sing 40 laksawng an pek hna tiah KNU nih a thanh.
