SAC ralkap 2 hriamtling he CDF-Hakha sin ah an i fonh
The Chinland Post | 2023 February 21 — Chin ramkulh, Thantlang hrambunh, SAC battalion 269 in SAC ralkap 2 cu hriam he CDF-Hakha sin ah February 20 ah an rak i fonh tiah thawng theih a si.
Mipi sin aa rak fonh mi SAC ralkap 2 nih MA3 zuunkhat, MA1 zuunkhat, kuan 674, kuanbawm 9, Grenade 4, 60MM bom kuan 3 le adang kahdohnak thilri tampi he an rak i fonh hi a si tiah theih a si.
CDF-Hakha nih mipi sin aa rak fonh mi SAC ralkap 2 cu tangka sing 30 cio laksawng an pek hna i himnak hmun ah an kuat hna tiah theih a si.
About The Author
