SAC ralkap le AA nikhat chung hmunhnih ah kahdohnak a chuak
The Chinland Post | 2022 August 3 – Paletwa peng le Maungdaw peng ah SAC ralkap le AA karlak August 2 zinglei ah kahdohnak a chuah tiah theih a si.
Paletwa, nichuah lei Kinchaung khua le Nwa taung ah kahdohnak a chuak i hriamngan/hme thawng a thang tiah khuami hna nih Development media ah an chim.
Cun August 2 zinglei sml 10:00am-11:00am tiang Maungdaw peng mengtung 40 pawngkam ah kahdohnak a chuak i hriamngan/hme thawng a thang tiah Western News nih a langhter.
A luancia July 18 zongah Maungdaw peng, Saingpinngya khua le Sakapinyin khua karlak ah SAC ralkap, BGF le AA karlak ah kahdohnak a chuak i BGF 14 AA nih a rak tlaih hna.
About The Author
