SAC ralkap cawlcanghnak an tuah rih a si ahcun kahdohnak aa peh rih lai: CDF-Matupi
The Chinland Post | 2022 July 14 – Chin ramkulh, Matupi peng July thla cheu chungah kahdohnak voi 4 a chuak i SAC ralkap a thimi an tam tiah CDF-Matupi nih a thanh.
Matupi peng, Lailenpi khua in ke in a kalmi SAC ralkap pawl cu CDF-Matupi nih July 6 thok in an kah hna i July 11 tiang ah kahdohnak voi 4 a chuak.
“Atu caan tlawmpal cu a dai. SAC ralkap pawl Lailenpi khua ah an kir ṭhan. Mindat-Matupi lamcung ahcun an lutchuak lengmang. Anmah lei nih cawlcanghnak an ngeih a si ahcun kanmah lei nih kan zoh sawhsawh hna lai lo, kahdohnak a chuak ko lai” tiah CDF-Matupi rianngeitu nih a chim.
CDF-Matupi thawngthanhnak ah kahdohnak voi 4 chungah SAC ralkap a thimi 11 an si i hma a pumi zong an um tiah theih a si.
About The Author
