SAC ralkap hnukir dingin KNU nih ralrinnak a pek hna nain, thazang an chap chin caah Dooplaya peng ah kahdohnak a chuak
The Chinland Post | 2022 March 12 – SAC ralkap pawl Karen National Union (KNU) battalion- 6 Dooplaya peng chung in nithum chung ah chuak dih dingin March 7 ah cathanh chuah a si hnu ah SAC nih mahka hmunhma ah thazang chap in kahdohnak a tuah caah March 11 ah hmunhma 3 ah kahdohnak a chuak tiah Kawkareih KNLA battalion he aa neihniammi pakhat nih a chim.
“KNU battalion-6 nih SAC ralkap pawl hnukir dingin March 7 ah cathanh a chuahmi kha zul loin thazang chap in hmunhma an lak chap caah Kawkareih lei Tawnaung tiva pawng ah voikhat, zaanlei sang ah Kamaikone khua lei ah voikhat, Taungkyainn kahdohnak hi zaan sml 9:00pm tiang hrawng a si. Vanlawng phnih a rak zuang. Ralhrang nih hriamngan in khuate lei ah a kah caah mipi 3 hliamhma an pu. Mipi inn hna a rawk. Kawkareih hmunhma ah nizaan zaan le tuzing he ralkap thazang chap chin a si. Hnukir loin thazang an chap chin caah kahdohnak aa peh rih ko lai tinak a si” tiah Kawkareih KNLA battalion-27 he aa neihniammi pakhat nih a chim.
Ref: BBC Burmese
About The Author
