SAC Ralkap le MNDAA Karlak Ah Ni 3 Chung Pehzulh In Kahdohnak A Chuak
The Chinland Post | 2023 June 5 — Hramhram in uknak a latu SAC ralkap le Myanmar Democratic Alliance Army (MNDAA) hna karlak ah June 2 zinglei thawk in June 4 tiah pehzulh in kahdohnak a chuak tiah MNDAA nih a thanh.
June 2 zinglei sml 9:09 hrawng ah SAC ralkap pawl nih Pindaung khua pawng ah a um mi MNDAA sakhaan ah kahdohnak an tuah i sml 1 hrawng kahdohnak a chuak. June 3 zong ah Kokang pengkomh Toneshan ah hmunhma a khuar mi MNDAA he kahdohnak sml 2 hrawng a chuak tiah theih a si.
Cun June 3 chun sml 12:40pm hrawng zong ah SAC ralkap 100 hrawng nih MNDAA an umnak Shohminshan le Chokchaipa hmunhma an kah hna i zaanlei sml 3:00pm tiang kahdohnak a chuak i MNDAA lei 1 a nunnak a liam, 1 aa hliam, SAC lei a thi mi le aa hliam mi cazin a fiang in theih a si rih lo tiah cathanh ah an langhter.
About The Author
