SAC ralkap nih an kah mi hriamngan ruang ah hngakchia telh in minung 11 an thi

0

The Chinland Post | 2022 November 17 – SAC ralkap sakhaan in an kah mi hriamngan ruang ah a tlawm bik minung 11 an thi i 27 nak tlawm lo an i hliam i a hma a fak khun mi 5 nak tlawm lo an um caah thi a rannak in an herh tiah bawmchantu hna nih Western News ah an chim.

Rakhine ram, Maungdaw peng, Gheikchaung khua November 16 chun ah SAC ralkap nih an kah mi hriamngan a puah ruang ah khuami 11 an thi i hliam a tuar mi 27 tiang an um, cu chung ah a hma fak khun mi 5 hi thinphang an si.

Hliam a tuar mi pawl cu Rakhine ram, Maungdaw sizung ah an thlop hna i thi zong an rannak in an herh tiah theih a si.

November 16 zinglei ṭhiamṭhiam ah Kyaukdaw peng, Chaungto khua zong SAC kuttang 539 battalion nih an kah mi hriamngan ruang ah pa 4 an thi i nu 2 an i hliam.

Rakhine ram, November 16 lawng ah SAC ralkap hriamngan ruang ah a thi mi minung 15 tian an um i hliam a tuar mi 29 hrawng an um cang.

About The Author

Na ruahning rak langhter ve.. (Leave a comment)

%d bloggers like this: