SAC ralkap nih hmanhmi bomrap ruangah Demoso PDF battalion K siibawi Zeya Mina a nunnak a liam
The Chinland Post | 2022 September 21 – Karenni ram, Demoso peng, Saungdu khuathar, ralram ah a pu he sii thlop ding in an kal i an rak kirlei ah SAC ralkap nih hmanhmi bomrap aa lamh sual caah Demoso battalion K in siibawi a ṭuanmi palek nu Zeya Mina a nunnak a liam i a pu cu fak piin a hliam tiah theih a si.
A nunnak a liammi Zeya Mina cu kum 18 lawng a si rih i September 18 zaanlei sml 4:00pm ah SAC nih hmanhmi bomrap aa lamh sual i a nunnak a liam tiah Demoso PDF nih September 20 ah an thanh.
A nunnak a liammi Nu Zeya Mina ruak thlahnak cu September 18-20 tiang an tuah i September 20 zinglei sml 7:00am ah Catholic phungning tein an vui tiah an langhter.
About The Author
