SAC ralkap nih kum 6 hngakchia telh in sualnak ngei lo mipi 2,954 a thah cang hna
The Chinland Post | 2023 February 7 — Myanmar ram ah hramhram in uknak lak a si hnu kum 2 caan chung ah SAC ralkap nih sualnak ngei lo mipi 2,954 a thah cang hna i a tlaih/hren mi minung 17,668 tiang an um cang tiah Assistance Association for Political Prisoners (AAPP) nih a thanh.
Atu cazin hi 2021 February 1 in 2023 February 6 tiang AAPP nih a khawmhsuatmi a si i khawmhsuat khawhmi lengah a thimi an tampi rih lai tiah a langhter.
Pau Dothlennak chung tuni tiang ah minung 13,829 an tlaih cang hna i cu chung ah minung 2,317 cu thawngthlak ding in biakhiah an si.
Dothlennak he pehtlai in an tlaih/hren hna i thah ding tiah bia an khiah mi 101 an um i hriawh in thah ding tiah biak an khiah mi 42 telh in minung 121 cu hriawh in thah ding tiah biakhiah an si caah thah ding tiah biakhiah a simi an zapi te 143 an si cang.
Atutiang ah biakamnak he thlah ṭhan a si mi 24 an um i an thlah ṭhan cang mi hna 3,815 an si tiah a langhter.
About The Author
