SAC ralkap nih nih hrem ruangah a thimi 95 an um tiah AAPP nih a thanh

0

The Chinland Post | 2022 June 27 – SAC phu nih hrem ruangah biahalnak lioah a thimi 95 an um cang tiah Assistance Association for Political Prisoners (AAPP) nih June 26 ah a thanh.

June 26 ah a tlami hremnak a tongmi pawl bawmhnak ni ah AAPP telh in mipi phu 14 fonh nih thanhmi ah a cunglei bantuk in langhter a si.

Hramhram uknak a dohtu vialte taksa lei hremnak, tlerhnak le adang thinlung lei hremnak phuntling SAC phu nih a buar hramhram tiah an langhter.

Cu bantuk ni caah “Hremnak pawl dihter, sualphawtnak chungin luaternak pawl dihter” timi hi tlangtar caah hman a si i SAC phu le adang hriamtlai phu nih mipi hremnak pawl dihter ding in forhfialnak an tuah chih.

June 26 hi hremnak, minung bantuk in chawnhbiak lonak le sualphawtnak pawl dohmi UN hnatlaknak a nun ni a si i nuhrin covo a um khawhnak hnga ramkip zulhphung pakhat a chuah ni zong a si tiah an langhter.

Asinain cu ramkip zulhphung nih cun Myanmar ram mipi hna himnak a pe kho hna lo i hramhram in uknak a latu phu nih mipi nunnak le limhang pawl voi tampi a hremnak a buar tiah an langhter.

About The Author

Na ruahning rak langhter ve.. (Leave a comment)

%d bloggers like this: