SAC ralkap nih Tayakone ah khuami 1 an thah,10 an tlaih hna
The Chinland Post | 2022 August 4 – Sagaing ramṭhen, Kalaymyo, Tayakone khua pawngah kahdohnak a tuahmi SAC ralkap pawl cu August 2 ah khuami 1 an kah i 10 an tlaih hna tiah theih a si.
Tayakone khua pawngah SAC ralkap 200 hrawng le mipi hriamtlai phufonh hna karlak kahdohnak a chuah hnu zaanlei sml 2:00pm ah atu bantuk in khuachung an lut i khuami an thah le an tlaihnak hna hi a si Ranger Kalay Defense Force (RKDF) nih RFA ah a chim.
“A thimi hi a thluak a hman pah lomi a si, a ngandam lomi a si. An khua ah phum khawh a si lo caah khua he aa hlatnak adang khua thlaan ah phum a si. 10 an tlaihmi hna hi pa lawngte ma an si, nu lawngte dah ti zong a fiang in kan thei lo. Khamhnak ding caah an kalpi hna” tiah a chim.
A thimi hi kum khua in a laifang hrawng a si i meithal in an kah tiah a chim.
SAC ralkap pawl hi Tayakone in an chuak rih lo tiah khuami hna nih an chim.